2011, ഡിസംബർ 15, വ്യാഴാഴ്‌ച

മരണാനന്തരം

ഈറനണിഞ്ഞ കണ്ണുകളുയര്‍ത്തി ഒരുനോക്ക് അവള്‍ കണ്ടു. വെളുത്ത പഞ്ഞികൊണ്ട് പൊതിഞ്ഞിരിക്കുന്ന രൂപം. മരണത്തിന്റെ രൂക്ഷഗന്ധം മൂക്കില്‍ ഇരച്ച് കയറുകയാണോ എന്നവള്‍ ഭയപ്പെട്ടു. പ്രണയത്തിന്റെ ഓളപ്പരപ്പില്‍ ഇനി താന്‍ ഒറ്റയ്ക്കാണെന്ന് അവളുടെ മനസ്സ് പറഞ്ഞു കൊണ്ടിരുന്നു. വിധിയുടെ ഇരമ്പലില്‍ സനാഥത്വം വലിച്ചെറിയപ്പെട്ടൊരു പെണ്‍കുട്ടി. ദൈവത്തിന്റെ ചില വിക്രുതികള്‍ അങ്ങനെയാണ്. അവളുടെ കാലുകള്‍ കുഴഞ്ഞു. കണ്ണുകളിലേക്ക് ഇരുട്ട് കയറുന്നത് അവളറിഞ്ഞു.
“ മായ രാജീവ്.. മായ രാജീവ് “
ഒരു പറ്റം കടലാസ് തുണ്ടുകളുമായ് ഒരു നഴ്സ് അവളുടെ അടുത്തേക്ക് വന്നു.
“ ബില്ല് സെറ്റില്‍ ചെയ്യണം., എന്നിട്ട് ബോഡി കൊണ്ട് പോവാം.”
ബില്ലുമായ് അവള്‍ കൌണ്ടറിനടുത്തേക്ക് നടന്നു. ഒരു മനുഷ്യജീവന്റെ വിലയായ് കുറച്ച് കടലാസ് തുണ്ടുകള്‍.
ഇനിയെന്ത് ചെയ്യണം? ആരോട് പറയണം?
മരണത്തിനും മായ്ക്കാന്‍ പറ്റാത്ത മുറിവുകള്‍ ഉണ്ടെന്ന് അവള്‍ക്ക് തോന്നി. അച്ഛനെയും അമ്മയെയും ഉപേക്ഷിച്ച് പ്രണയത്തിന്റെ ലോകത്തില്‍ അവര്‍ രണ്ടുപേരും മാത്രമായിരുന്നു ഇത്രയും കാലം. ഒടുവില്‍ രാത്രിയുടെ നിശബ്ദതയില്‍ ചീറിപ്പാഞ്ഞു വന്നൊരു ലോറി അവളെ അവിടെ തനിച്ചാക്കി.
തണുത്ത കാറ്റ് വന്ന് അവളുടെ ശരീരത്തെ മൂടി. ഞരമ്പിനുള്ളിലെക്കും അത് പടര്‍ന്നു. രക്തം മരവിച്ച് തുടങ്ങിയിരിക്കുന്നു. നോക്കിനില്‍ക്കേ പഞ്ഞിക്കെട്ടിലേക്ക് തീ പടര്‍ന്നു.അവളുടെ ദേഹവും എരിയുകയായിരുന്നു. അവസാനം ഒരുപിടി ചാരമവശേഷിപ്പിച്ച് ഇരുട്ടിന്റെ മറവിലേക്ക് തീക്കനലുകളും ഒളിച്ചിരുന്നു.
അവള്‍ അതിനടുത്തേക്ക് നടന്നു. ഇനി ഈ ലോകത്ത് തനിച്ചാണെന്ന് ആരോ പറയുന്നത് പോലെ അവള്‍ക്ക് തോന്നി. അവളുടെ കണ്ണുകള്‍ നിറഞ്ഞു. ആകാശം കറുത്തിരുണ്ടു. മഴത്തുള്ളികള്‍ ഭൂമിയിലേക്ക് പതിച്ച് കൊണ്ടിരുന്നു. ഓരോ മഴത്തുള്ളിയും മുള്ളുകള്‍ പോലെ അവളുടെ ശരീരത്തില്‍ തറിച്ച് കയറി. അവളുടെ കണ്ണുനീര്‍ത്തിള്ളികള്‍ പോലും ആ മഴയില്‍ അലിഞ്ഞില്ലാതായി.
മഴയും തന്നെ നോവിക്കുന്നതായ് അവള്‍ക്ക് തോന്നി. ഒടുവില്‍ ആ മഴയില്‍ അവളും അലിഞ്ഞില്ലാതായി.
പ്രണയത്തിന്റെ പനിനീര്‍പ്പൂവിലേക്ക് വീണ്ടും ഒരു നനവ് പടര്‍ന്നു..

9 പ്രതികരണങ്ങള്‍:

Yasmin NK പറഞ്ഞു... മറുപടി

കൊള്ളാം.

Pheonix പറഞ്ഞു... മറുപടി

nannaayittundu ketto

പട്ടേപ്പാടം റാംജി പറഞ്ഞു... മറുപടി

നല്ലെഴുത്ത്.

കൊമ്പന്‍ പറഞ്ഞു... മറുപടി

ആഖ്യാനം നന്നായിരിക്കുന്നു

പരുന്ത്‌ പറഞ്ഞു... മറുപടി

കൊള്ളാം നന്നായിട്ടുണ്ട്.............

Vinayan Idea പറഞ്ഞു... മറുപടി

നന്നായി എഴുതി ആശംസകള്‍ .

ദീപ എന്ന ആതിര പറഞ്ഞു... മറുപടി

its interesting...touching....but something missing

Nidhin R Nath പറഞ്ഞു... മറുപടി

amazing... loved it...

Unknown പറഞ്ഞു... മറുപടി

വളരെ നന്നായിട്ടുണ്ട്

ഒരു അഭിപ്രായം പോസ്റ്റ് ചെയ്യൂ